புலிகள் அமைப்பிற்கு எம்.ஜி.ஆர். நிதி உதவிகளை வழங்கினார் : புலிகள் அமைப்பின் உறுப்பினர் கே.பி.

தமிழகத்தின் முன்னாள் முதல்வர் எம்.ஜி.ஆர் தமிழீழ விடுதலைப் புலிகள் அமைப்பிற்கு நிதி உள்ளிட்ட உதவிகளை வழங்கியதாக குமரன் பத்மநாதன் தெரிவித்துள்ளார்.

அதேபோல் தற்கொலை குண்டுதாரிகளின் செயற்பாட்டிற்கு முற்றுப்புள்ளி வைக்க அன்டன் பாலிசிங்கம் உள்ளிட்டவர்கள் முற்பட்ட போது அந்த முயற்சி தோல்வியிலேயே முடிந்ததென்றும் அவர் சுட்டிக்காட்டியுள்ளார்.

தமிழீழ விடுதலைப் புலிகள் அமைப்பின் முக்கிய உறுப்பினராக இருந்த கே.பி என அழைக்கப்படும் குமரன் பத்மநாதன் வெளிநாட்டு ஊடகம் ஒன்றுக்கு வழங்கிய செவ்வியிலேயே மேற்கண்டவாறு தெரிவித்துள்ளார்.

அவர் மேலும் தெரிவித்துள்ளதாவது,

தமிழகத்தின் முன்னாள் முதல்வர் எம்.ஜி.ஆர் தமிழீழ விடுதலைப் புலிகள் அமைப்பிற்கு நிதி உள்ளிட்ட உதவிகளை வழங்கியிருந்தார். அந்த நிதித் தொகை ஆயுதக்  கொள்வனவுக்கே பயன்படுத்தப்பட்டது.

லெபனான் உள்ளிட்ட உலகின் பல்வேறு நாடுகளில் இருந்தும் புலிகள் இயக்கத்திற்கு ஆயுதங்கள் கொள்வனவு செய்யப்பட்டது.  தமிழீழ விடுதலைப் புலிகள் அமைப்பின் எழுச்சிக்கு அமெரிக்கா உள்ளிட்ட மேற்கத்தைய நாடுகளும் கூட போதுமான வாய்ப்புகளை வழங்கியிருந்தது.

Leave a Reply

Your email address will not be published. Required fields are marked *