பெண்களை பாலியல் அடிமைகளாக்குங்கள் – இஸ்லாமிய சமய போதகரின் போதனையால் பரபரப்பு.

பெண்களை பாலியல் அடிமைகளாக வைத்துக் கொள்ளுங்கள் என இஸ்லாமிய மதகுருவொன்று தெரிவித்துள்ளதாக பிரபல சகோதர மொழி தேசிய ஊடகமொன்று புகைப்படம், வீடியோ ஆதாரங்களுடன் செய்தி வெளியிட்டுள்ளது.

குறித்த ஊடகம் வெளியிட்டுள்ள செய்தியில் குறிப்பிடப்பட்டுள்ளதாவது;

இஸ்லாம் மார்க்கத்தில் பாலியல் அடிமைகளை வைத்திருக்க முடியும் என முஸ்லிம் சமயப் போதகர் ஒருவர் தெரிவித்துள்ள செய்தியொன்று இங்கிலாந்தில் வெளியாகியுள்ளது.

இளைஞர் முகாம் எனும் பெயரில் இடம்பெற்ற இளைஞர்கள் குழுவொன்று நடைபெற்ற போதனையொன்றிலேயே குறித்த சமயப் போதகர் இதனைக் கூறியுள்ளார்.

தற்பொழுது நடைபெற்று வரும் யுத்தங்களைப் போன்று, எதிர்வரும் காலங்களில் மேலும் பல யுத்தங்கள் இடம்பெறலாம் எனவும் இதன்போது பெண்களை பாலியல் அடிமைகளாக வைத்திருக்க முடியும் எனவும் குறித்த சமயப் போதகர் குறிப்பிட்டுள்ளார்.

2014 ஆம் ஆண்டு காடிப் நகரில் ஜிஹாதுடன் தொடர்புபட்ட மூன்று பேர் இந்த சமயப் போதகரின் பள்ளிவாயலுடன் சம்பந்தப்பட்டவர்கள் எனவும், குறித்த சமயப் போதகரிடம் பயிற்சி பெற்றவர்கள் எனவும் குற்றச்சாட்டு காணப்படுவதாகவும் கூறப்படுகின்றது.

எது எப்படிப் போனாலும், தற்பொழுதும் இந்தப் பள்ளிவாயலில் சமயப் போதகராக இவரே செயற்பட்டு வருவதாகவும் தகவல்கள் தெரிவிக்கின்றன.

குறித்த சமயப் போதகர் இளைஞர்களைக் கூட்டி பெண்களை பாலியல் அடிமைகளாக வைத்திருக்க முடியும் எனக் கூறும் போதனை மறைமுகமாக பதிவு செய்யப்பட்டு, இவருக்கு எதிராக விசாரணை ஆரம்பிக்கப்பட்டுள்ளதாகவும் சர்வதேச செய்திகள் தெரிவித்துள்ளதாக குறித்த சகோதர மொழி தேசிய ஊடகம் மேலும் தகவல் வெளியிட்டுள்ளது.

இது குறித்து இஸ்லாம் மத பிரபல சமயப்போதகர்கள் குறித்த போலி சமயப்போதகரின் செயலினை வன்மையாக கண்டித்துள்ளமையும் குறிப்பிடத்தக்கது.

Leave a Reply

Your email address will not be published. Required fields are marked *